ཀུན་དགའ་དབང་མོ། 2018-05-21
དུས་རབས་ཀྱི་འགྱུར་ལྡོག་དབང་གིས།།
སྔོན་ཐོན་གྱི་ལག་རྩལ་དར་ཞིང་།།
འཇིག་རྟེན་འདི་ཁྲ་ཚོམ་བསྒྱུར་བའི།།
དེང་དུས་ཀྱི་རྒྱལ་ཁབ་མཚར་བོ།།
རིག་གནས་ཀྱི་ཤེས་ཡོན་འཕེལ་ཞིང་།།
གཞན་ཕན་གྱི་ལྷག་བསམ་ལྡན་པའི།།
མཁས་ལྡན་གྱི་སྐྱེས་བུ་དམ་པས།།
གསར་སྐྱེས་ཚོར་འོད་སྣང་བསྩལ་བྱུང་།།
རྙོག་འཛིང་གི་སྤྱི་ཚོགས་འདི་ནས།།
འདྲ་མིན་གྱི་བྱ་གཞག་སྣ་ཚོགས།།
ཞིང་འབྲོག་ཚོས་དང་དུ་ལེན་པར།།
དཀའ་སྡུག་གི་རྒྱ་མཚོར་བརྒལ་དགོས།།
དཔེ་ཀློག་པའི་ཕྲག་གི་འོས་འགན།།
བཅུ་ཕྲག་ལ་འབད་པ་བྱས་ཏེ།།
འབྱུང་འགྱུར་གྱི་དུས་ཀྱི་ལམ་དེར།།
རྗེས་རབས་པས་འབད་ཀྱིས་བསྐྱང་དགོས།།
སློབ་གླིང་དང་གྱེས་བྲལ་བྱུང་ནས།།
སྤྱི་ཚོགས་ལ་གོམས་འདྲིས་བྱེད་སྐབས།།
མི་ཚོགས་དང་བྱ་སྤྱོད་འགལ་བས།།
འཕྱ་དམོད་ཀྱི་ཕམ་ཁ་ཉོ་སྲིད།།
སྔོན་དུས་ཀྱི་སློབ་རའི་ནང་ནས།།
དྲན་འཛིན་གྱི་ཀླད་པའི་ངལ་རྩོལ།།
ཉིན་བྱེད་ཀྱི་མིག་རྒྱང་བཀོལ་ནས།།
ཤེས་བརྩོན་ལས་བྱ་བར་མ་སེམས།།
ད་སྐབས་ཀྱི་འཚོ་གནས་འདི་ལས།།
དཀའ་སྡུག་གི་ལུས་པོའི་ངལ་རྩོལ།།
ཉིན་མཚན་དུ་འབད་ལེན་བྱས་པས།།
སྔོན་དུས་འདི་འགལ་བས་བཅད་སོང་།།
དལ་འབྱོར་གྱི་མི་ཚེའི་སྐལ་བར།།
གཅེས་སྤྲས་དང་དམ་འཛིན་མེད་པར།།
ཕམ་ཁ་ཡི་གྱོང་གུད་ཉོས་ནས།།
རིན་མེད་ཀྱི་ལམ་ལ་མ་ཆས།།
དུས་དེ་ནི་སྙིང་གི་དྲན་ཞིང་།།
གཤིབ་འགྲོས་ཀྱི་སྙིང་སྟོབས་བསྐྱེད་དེ།།
རང་ཅག་ཚོའི་འགན་འཁྲི་ཁུར་ནས།།
ཚེ་སྲོག་གི་དོན་སྙིང་ལེན་འགྲོ།།
རྩོམ་གསར། 10