ཤེལ་དཀར་ཚེ་སྒྲོན། 2018-05-21
ཆོས་དབྱིངས་གར་གྱི་རྣམ་པར་རོལ་བ་འདི།།
ས་སྟེང་འདི་ན་དཀོན་པའི་མེ་ཏོག་ཡིན།།
ཐ་སྙད་མི་ཡི་གཟུགས་སུ་སྣང་ན་ཡང་།།
དོན་དམ་ཆོས་ཀྱི་དབྱིངས་ལས་ཅང་མ་མཆིས།།
ལྷ་ཡིས་བསྩལ་བའི་དངོས་གྲུབ་ཆེན་པོའམ།།
ཀླུ་ཡིས་གནང་བའི་དགོས་འདོད་ཀུན་འབྱུང་ངམ།།
མི་ཡིས་རྙེད་པའི་དགོས་འདོད་ནོར་བུ་སྟེ།།
ཕྱོགས་རྣམས་ཀུན་གྱི་མུན་པ་སེལ་བ་པོ།།
རྣལ་འབྱོར་ཁྱེད་ལས་གཞན་ཞིག་གང་ན་འདུག།
གང་ཞིག་ཁྱེད་ཞལ་དངོས་སུ་མ་འཇལ་ཡང་།།
ཁྱེད་ཀྱི་རྣམ་ཐར་མདོར་ཙམ་བཀླགས་ཙ་ན།།
བདག་ནི་ཁྱེད་ལ་དད་པ་ཚད་མེད་སྐྱེས།།
ཚེ་རབས་འདི་ནས་བྱང་ཆུབ་ཇི་སྲིད་དུ།།
མགོན་པོ་ཁྱེད་ཀྱིས་བདག་ལ་སྐྱབས་སུ་གསོལ།།
ཁྱེད་ནི་སངས་རྒྱས་སྟོང་གི་སྲས་མཆོག་ཅིག།
ཁྱེད་ཀྱི་མཛད་འཕྲིན་སུས་ཀྱང་དཔག་མི་ནུས།།
རྩོམ་གསར། 10