༼ ཁམས་པའི་འཛུམ་རིས ༽ སྤྱིའི་འདོན་ཐེངས་བཅུ་དགུ་པ་སྒོར་ཐོན་ཡོད།

ཁམས་པའི་འཛུམ་རིས་རྩོམ་སྒྲིག་ཁང་།        2018-05-02

༼      ཁམས་པའི་འཛུམ་རིས ༽  སྤྱིའི་འདོན་ཐེངས་བཅུ་དགུ་པ་སྒོར་ཐོན་ཡོད།

      བོད་མདོ་དབུས་ཁམས་གསུམ་གྱི་རྒྱ་ཆེའི་ཀློག་པ་པོ་ལྷན་རྒྱས་ཁམས་བཟང་།

      ངེད ༼  ཁམས་པའི་འཛུམ་རིས ༽  ཞེས་པའི་བོད་ཀྱི་དམངས་སྲོལ་རིག་གནས་ཆེད་བསྒྲིགས་ཀྱི་དུས་དེབ་ཉིད་ཀྱི་སྤྱིའི་འདོན་ཐེངས19པ་སྟེ། སྤྱི་ལོ2018ལོའི་དུས་དེབ་དང་པོ་འདི་ཉིད་མདོ་ཁམས་ཏྲེ་ཧོར་ས་ཆ་ཞེས་རྒྱ་བོད་ལོ་རྒྱུས་ཚང་གང་མང་ན་གོ་གནས་ངེས་ཟིན་ཡོད་པའི་ཡུལ་ཁམས་རིང་མོ་འདིའི་ས་ཡི་ལྟེ་བར་ཆགས་ཡོད་པ། ད་ལྟར་ཡོངས་གྲགས་སུ་ཁམས་བྲག་མགོ་རྫོང་ཞེས་པའི་རོང་འབྲོག་གི་འཚོ་བ་གཉིས་ལྡན་གྱི་རྫོང་འདི་གའི་དམངས་ཁྲོད་ཀྱི་ཡུལ་སྲོལ་གོམས་གཤིས་དང་ལོ་རྒྱུས་རིག་གནས། གེ་སར་རིག་གནས། གནས་རི་གནས་བཤད། བཟའ་བཏུང་རིག་གནས། རོང་འབྲོག་ཡུལ་སྐད། སྔོན་བྱོན་གྱི་སྐྱེས་ཆེན་དང་དེང་བཞུགས་ཀྱི་མཁས་དབང་གི་ངོ་སྤྲོད་སོགས་ཕྱོགས་བསྡུས་ཀྱིས་དེབ་གཟུགས་སུ་བསྡེབས་ཏེ་དེབ་སྟོད་སྨད་གཉིས་ཀྱི་བདག་ཉིད་ཅན་སྡེབ་སྒྲིག་བྱས་ཤིང་། ཟླ་འདིའི་ཚེས20ཉིན༼  ཁམས་བྲག་མགོ་ས་ཆའི་དམངས་སྲོལ་རིག་གནས ༽  ཆེད་བསྒྲིགས་ཀྱི་དེབ་སྟོད་ཆ་དངོས་སུ་པར་དུ་བསྐྲུན་ཏེ་བོད་ཞིང་ལྗོངས་ལྔ་ཡི་ས་ཆ་སོ་སོར་འགྲེམ་སྤེལ་བྱས་ཡོད།

      འདི་ནི་གོང་རིམ་དབུ་ཁྲིད་དག་གི་ཐུགས་བརྩེ་བས་ཡུན་རིང་དུ་གཟིགས་པའི་མཐུ་དང་ཡུལ་འདི་གའི་གཞོན་སྐྱེས་སྨྱུག་ཐོགས་པའི་སྡེ་ཡི་ཕྱར་བ་གྲུ་འདེགས་ཀྱི་རམ་འདེགས་ཁོ་ན་ལ་བརྟེན་ནས་གྲུབ་པ་ཞིག་ཡིན་པས། འདིས་སྤྱིར་བོད་ཀྱི་ལོ་རྒྱུས་རིག་གནས་དང་སྒོས་ཁམས་བྲག་མགོ་ས་ཆའི་ལོ་རྒྱུས་རིག་གནས་དང་། དམངས་ཁྲོད་ཡུལ་སྲོལ་སོགས་ལ་གསུབ་ཏུ་མེད་པའི་བྱས་རྗེས་བཞག་ཡོད་པ་ནི་དགའ་འོས་པའི་གནས་སུ་མཆིས་སོ།།

༼      ཁམས་པའི་འཛུམ་རིས ༽  སྤྱིའི་འདོན་ཐེངས་བཅུ་དགུ་པ་སྒོར་ཐོན་ཡོད།
༼      ཁམས་པའི་འཛུམ་རིས ༽  སྤྱིའི་འདོན་ཐེངས་བཅུ་དགུ་པ་སྒོར་ཐོན་ཡོད།
༼      ཁམས་པའི་འཛུམ་རིས ༽  སྤྱིའི་འདོན་ཐེངས་བཅུ་དགུ་པ་སྒོར་ཐོན་ཡོད།
༼      ཁམས་པའི་འཛུམ་རིས ༽  སྤྱིའི་འདོན་ཐེངས་བཅུ་དགུ་པ་སྒོར་ཐོན་ཡོད།

  • ལེ་ཚན་སྔོན་མ།:༼ཁམས་པའི་འཛུམ་རིས༽སྤྱིའི་འདོན་ཐེངས་བཅོ་བརྒྱད་པ་སྒོར་ཐོན་ཡོད།
  • ལེ་ཚན་རྗེས་མ།:གནས་སྐབས་མེད།
  • རྩོམ་གསར། 10