རྟག་བརྟན་འཇམ་དཔལ། 2018-04-12
ལག་པ་ལ་ཐལ་བ་འགོས་པ་ནི་རྒྱུན་ལྡན་ཞིག་ཡིན་མོད།
ཁྱོད་ཀྱི་སྔུན་ན་བརྐྱངས་པ་དག་དེ་ལྟར་མིན།
ཉི་མས་བསྲེགས་པའི་ལག་པ་ནི་སུ་ལའང་ཡོད་མོད།
ལུང་པའི་ཁུག་སོ་ན་ཡོད་པ་དག་དེ་ལྟར་མིན།
སེར་གས་བཏུམས་པའི་ལག་པ་ནི་ཨར་ལས་པ་ལའང་ཡོད་མོད།
ལོ་གསུམ་བྱིས་པ་དག་ལ་ཡོད་པ་ནི་དེ་ལྟར་མིན།
གཉེར་རིས་ལྡན་པའི་ལག་པ་ནི་འཇིག་རྟེན་གྱི་རྟེན་འབྲེལ་ཡིན་མོད།
བཀྲེས་སྐོམ་གྱིས་མནར་བའི་མི་དག་ལ་ཡོད་པ་ནི་དེ་ལྟར་མིན།
དེས་ན།
ལག་པ་དག་ལ་བྲིས་པ་ནི་སྙན་ངག་ཞིག་མ་ཡིན་ཏེ།
དེ་ནི་སུས་ཀྱང་བཤད་མི་བཏུབ་པའི་རྣམ་ཐར་ཞིག་གོ །
རྩོམ་གསར། 10