༡ ཁོག་པ་བཤལ་ན་ཆུ་ཁོལ་མང་ཙམ་འཐུངས་ན་བཟང་།
༢ ཚ་བ་ཆེ་དུས་ཆུ་མང་ཙམ་འཐུངས་ན་ལུས་ཕུང་ལ་ཕན།
༣ ཚ་བ་ཆེན་པོ་རྒྱས་སྐབས་ལྭ་བ་ཕུད་ནས་ལུས་པོ་ཆུ་འཁྱག་གིས་བཀྲུས་ན་བཟང་།
༤ གཅིན་ལམ་དུ་འགོ་ནད་བྱུང་ཚེ་ཆུ་མང་པོ་འཐུངས་ན་ནད་སེལ་བར་ཕན་པ་རེད།
༥ གློ་ལུད་དང་དབུགས་འཚང་།  གློ་ཚད་བཅས་བྱུང་ན་ཆུ་མང་ཙམ་འཐུང་ཞིང་ཆུ་ཚན་གྱི་རླངས་པ་བརྔུབས་ན་ཤིན་ཏུ་བཟང་།
༦ ངོ་ལ་རྨ་བུད་ན་འདག་རྫས་དང་ཆུ་གཙང་མས་བཀྲུ་དགོས།
༧ རྨ་ལས་རྣག་བྱུང་ན་ལག་རས་ཆུ་འཁོལ་ནང་དུ་སྦངས་ནས་རྨ་ཁར་གླན་དགོས།
༨ ཚིགས་དང་ཤ་གནད་ལ་ཟུག་གཟེར་བྱུང་ཚེ་ཡང་གོང་གི་བྱེད་ཐབས་སྤྱད་ཆོག
༩ སྐྱི་ལྤགས་བསྲེགས་ཚེ་རེམ་པར་ཆུ་འཁྱག་ནང་དུ་སྦང་དགོས།
༡༠ མགྲིན་པར་ཚ་གཟེར་བྱུང་ན་ཚྭ་ཆུས་ཁ་ནང་གཤལ་དགོས།
༡༡ ཐལ་རྡུལ་སོགས་མིག་ནང་དུ་སོང་ནས་ན་ཟུག་བྱུང་ན་ཆུ་འཁྱག་གིས་མིག་ཆུ་ཚོད་སྐར་མ་གསུམ་ཙམ་ལ་བཀྲུ་དགོས།
༡༢ སྣ་འཚུབ་སྐབས་སྣ་ནང་དུ་ཚྭ་ཆུ་ཉུང་ཙམ་བརྔུབས་ན་བཟང་།
༡༣ གཤང་གཅིན་སྐམ་ཞིང་གཏོང་དཀའ་ན་ཆུ་མང་ཙམ་འཐུང་དགོས་ལ།  གལ་ཏེ་སྨན་གྱི་རིགས་བཏུང་ན་བཤལ་སྨན་བཏུང་བ་ལས་འཇུ་སྨན་འཐུངས་ན་བཟང་མོད། དེའང་སྨན་མང་པོ་མ་འཐུངས་ན་བཟང་།
༡༤ སྐྲངས་བྱུང་ཚེ་ཆབ་རོམ་སྐྲངས་འབུར་ཐོག་ཏུ་དུས་ཚོད་གཅིག་ཙམ་ལ་གླན་ན་སྐྲངས་ཞི་བར་ཕན།
༡༥ ཁོག་པ་བཤལ་ན་ལུས་སྟེང་གི་ཆུ་ཟད་འགྲོ་བས་ལུས་ཕུང་གི་ཆུ་ཡིཤོང་ཚད་སྙོམས་སྒྲིག་ཡོང་ཆེད་ཆུ་བཏུང་དགོས།
༡༦ ཆུ་ནི་ཡང་དག་པའི་སྒོ་ནས་བེད་སྤྱད་ན་སྨན་མི་དགོས་ལ།  དགོས་གལ་ཧ་ཅང་ཆེན་པོ་མེད་ཚེ་སྨན་འཐུང་ཚད་ཉུང་ན་བཟང་།