དར་མདོའི་མིང་གི་འབྱུང་ཁུངས།

བཀྲ་ཤིས་དང་སྐལ་ཐུབ། མིག་དམར། བདེ་ཆེན། ཡེ་ཤེས།        2017-06-14

དར་མདོའི་མིང་གི་འབྱུང་ཁུངས།
དར་མདོ་གྲོང་ཁྱེར་ཆགས་ཚུལ།

དར་མདོའི་མིང་གི་འབྱུང་ཁུངས།

    དར་རྩེ་མདོ་ཞེས་པའི་ཐ་སྙད་དེ་ལ་མཁས་པ་རྣམས་ཀྱིས་འགྲེལ་ཚུལ་མི་འདྲ་བ་འགའ་འདུག་སྟེ། དུས་རབས་བཅུ་དགུ་པའི་ནང་དུ་བྱོན་པོའི་ཤཱཀྱའི་དགེ་སློང་སྐལ་བཟང་བདུད་འདུལ་གྱི《རང་རྣམ》ལས།  དར་གྱི་རྩེ་མོ་འདུས་པའི་མདོ་འདི་ལ།། ཚོང་འདུས་ནོར་བུ་གླིང་ཞེས་བདག་གི་ཡུལ།། དེའི་མིང་ངེས་ཚིག་ཅུང་ཟད་གླེང་བ་ན།། རྒྱ་བོད་ཟུང་གི་ཆོས་སྲིད་ལུགས་གཉིས་ཀྱི།། སྲོལ་ནི་ཤིན་ཏུ་དར་བས་དར་ཞེས་བརྗོད།། དེ་ཡང་རྒྱ་བོད་ཟུང་ལ་ཕན་ཚུན་དུ།། ཐོག་མར་འབྱུང་བའི་རྩེ་མོ་ལྟ་བུར་རྩེ།། ཆུ་ཟུང་འདུས་པའི་མདོ་ལ་མདོ་ཞེས་གྲགས།། རྒྱ་བོད་ཧོར་སོག་ཚོང་པ་ཀུན་འདུས་པའི།། གྲོང་ཁྱེར་ཡིན་པས་ཚོང་འདུས་མིང་དུ་ཐོབ།། རྒྱ་བོད་ཆོས་སྲིད་གང་ལ་མཁོ་བ་ཡི།། ཕུན་ཚོགས་འདོད་དགུ་མ་ལུས་འབྱུང་བས་ན།། ནོར་བུ་གླིང་ཞེས་ཆོས་མཚུངས་སྒྲོ་བཏགས་མིང་།། ཞེས་གསུངས་པས་ཆོས་སྲིད་དང་ཆུ་བོ་སོགས་ལ་སྦྱར་ནས་འགྲེལ་བཤད་གནང་བའོ།།    

དར་མདོའི་མིང་གི་འབྱུང་ཁུངས།

དུས་རབས་ཉི་ཤུ་པའི་ནང་དུ་བྱོན་པའི་མི་ཉག་མགོན་པོས་མཛད་པའི《འབོ་གངས་དཀར་སྤྲུལ་སྐུའི་རྣམ་ཐར་དད་པའི་པད་ཚལ》ལས། དར་རྩེ(རྩི)མདོ་ཞེས་པ་མི་ཉག་གི་སྐད་དེ། དར་ནི་གོས་དར་དང་རྩི་ནི་སྨན་གྱི་དོན་ཡིན་པས། རྒྱ་བོད་བར་གོས་དར་དང་སྨན་རྩྭ་བརྗེ་རེས་བྱ་བའི་མདོ་ཡིན་པས་དེ་སྐད་ཟེར། ཞེས་གསུངས་པས་ཚོང་ར་དང་སྦྱར་ནས་འགྲེལ་བཤད་གནང་བའོ།།

དེང་དུས་ཀྱི་མཁས་པ་སྡེ་རོང་ཚེ་རིང་དོན་གྲུབ་ཀྱིས་མཛད་པའི《བོད་ཀྱི་དེབ་ཐེར་བཀྲ་ཤིས་གཏེར་བུམ》ལས། (རྒྱ་ཡིག) དར་ནི་དར་ལྕོག རྩེ་ནི་རྩེ་མོ། མདོ་ནི་ཆུ་གཉིས་ཀྱི་མདོ། དར་ལྕོག་གི་འོག་ཆུ་གཉིས་ཀྱི་མདོར་གནས་པས་དར་རྩེ་མདོ་ཞེས་འབོད། ཅེས་གསུངས་པས་དར་ལྕོག་དང་ཆུ་བོ་ལ་སྦྱར་ནས་འགྲེལ་བཤད་གནང་བའོ།།

དར་མདོའི་མིང་གི་འབྱུང་ཁུངས།

ཐུབ་བསྟན་ཆོས་དར་གྱི་ལྟ་ཚུལ་ནི། དར་རྩེ་མདོ་ཞེས་པ་འདི་བོད་སྐད་ཡིན་པ་ནི་སྨྲོས་ཅི་དགོས། མ་ཟད་གྲོང་ཁྱེར་འདི་ཆུ་གཉིས་དང་རི་གསུམ་གྱི་མདོར་ཆགས་ཡོད་པས་མདོ་ཞེས་མིང་བཏགས་པ་ལ་རྩོད་པ་གང་ཡང་མ་མཆིས། དར་རྩེ་ཞེས་པའི་ཚིག་འབྲུ་གཉིས་པོའི་ཐད་ཀར་ཀྱི་གོ་དོན་ནི་དར་རྒྱས་དང་རྩེ་མོའི་དོན་ཡིན་པ་ཀུན་ལ་གསལ། དེ་ལྟར་བཏགས་པའི་རྒྱུ་མཚན་འདི་ཡིན་ཞེས་ཁ་ཚོད་གཅོད་པའི་སྤོབས་པ་བདག་ལ་མ་མཆིས་མོད། འོན་ཀྱང་དར་རྩེ་མདོའི་མདུན་རི་ལ་ལྷ་མོ་རྩེ་ཞེས་འབོད་པའི་གངས་རི་མཛེས་ཤིང་བརྗིད་ཆགས་པ། མཚོ་རིགས་ཁ་དོག་མི་འདྲ་བ་ལྔས་བསྐོར་བ་ཞིག་ཡོད་པས། རྩེ་ཞེས་པ་དེ་མདུན་རིའི་མིང་དང་འབྲེལ་བ་ཞིག་ཡོད་སྲིད་དོ།།

དར་མདོའི་མིང་གི་འབྱུང་ཁུངས།

རྒྱའི་དེབ་ཐེར་དག་ལས་དར་རྩེ་མདོ་ལ་ཏཱ་ཅན་ལུའུ(打箭炉)ཞེས་བྲིས་འདུག ལོ་རྒྱུས་སྨྲ་བ་འགའ་ཞིག་གིས་ཚིག་དེའི་སྒྲ་ཐད་བསྒྱུར་ལས་བྱུང་བ་ཡིན་པར་མ་ཤེས་པས། ཏཱ་ནི་མདའ་འཕངས་པ་དང་། ཅན་ནི་མདའ་ལ་ངོས་འཛིན་བྱས་ནས་འགྲེལ་ལོག་གནང་བའོ།།

དར་མདོ་གྲོང་ཁྱེར་གྱི་ངོ་སྤྲོད་མདོར་བསྡུས།

     དར་མདོ་ནི་འཛམ་གླིང་ལ་གྲགས་པའི་གནའ་གྲོང་ཞིག་ཡིན་ལ། ཕག་མོ་རི་བོ་དང་དར་མདོའི་མཛའ་གཞས་ཞེས་གནམ་འོག་ལ་གྲགས་ཤིང་། དར་མདོ་གྲོང་ཁྱེར་ལ་ཡུན་རིང་གི་ལོ་རྒྱུས་དང་མཚར་སྡུག་གི་རིག་གནས་མངའ་ཞིང་། གནའ་ནས་ད་བར་ཁམས་ཁུལ་གྱི་སྲིད་འབྱོར་རིག་གསུམ་དང་། ཚོང་ལས། ཆ་འཕྲིན་ལྟེ་གནས། འགྲིམ་འགྲུལ་གྱི་འགག་གནས་བཅས་ཡིན། གྲོང་ཁྱེར་ཡོངས་ཀྱི་མངའ་ཁོངས་ཀྱི་རྒྱ་ཁྱོན་ལ་སྤྱི་ལེ་གྲུ་བཞི་མ༡༡༤༢༢.༧༥ཡོད་པ་དང་བོད་རིགས་གཙོས་པའི་རྒྱ་རིགས་དང་ཧུའུ་རིགས། དབྱི་རིགས། ཆའང་རིགས་སོགས་མི་གྲངས༡༣༤༠༦༣ཡོད། དར་མདོ་གྲོང་ཁྱེར་ལ་གྲོང་རྡལ༦དངཤང༡༥ གྲོང་མིའི་ཨུ་ཡོན་ལྷན་ཁང༢༣༥སྡོད་དམངས་ཨུ་ཡོན་ལྷན་ཁང༡༢བཅས་ཡོད།

 དར་མདོ་གྲོང་ཁྱེར་གྱི་ཁོངས་གཏོགས་ནང་མཁར་རྫོང་དང་བོད་ཁང་གི་འཛུགས་སྐྲུན། གླུ་བྲོ་དང་བཟའ་བཏུང་རིག་གནས་ཕུན་སུམ་ཚོགས་པར་མ་ཟད། གནས་རི་དང་གཙང་ཆུ། མཚོ་སོགས་ཡུལ་སྐོར་མཛེས་ལྗོངས་ཀྱང་མང་པོ་ཡོད།།

དར་མདོའི་མིང་གི་འབྱུང་ཁུངས།
གངས་དཀར་དགོན་རྙིང་།

དར་མདོའི་མིང་གི་འབྱུང་ཁུངས།
བཞག་བྲ་ལྷ་རྩེ།

དར་མདོའི་མིང་གི་འབྱུང་ཁུངས།
མིང་རྒྱལ་རབས་དུས་ཀྱི་ལྷ་ཁང་རྙིང་པ།

དར་མདོའི་མིང་གི་འབྱུང་ཁུངས།
ཆིང་རྒྱལ་རབས་དུས་ཀྱི་ལྷ་ཁང་རྙིང་པ།

དར་མདོའི་མིང་གི་འབྱུང་ཁུངས།

སི་ཧུ་རྒྱལ་པོའི་སྲུང་མ་ཁང་ཤུལ།

དར་མདོའི་མིང་གི་འབྱུང་ཁུངས།

ཝ་ཡོད་གྲོང་པའི་ཁང་རྙིང་།
དར་མདོའི་མིང་གི་འབྱུང་ཁུངས།
ཁང་རྙིང་ནང་གི་ཇ་ཁང་།

དར་མདོའི་མིང་གི་འབྱུང་ཁུངས།
མི་ཉག་མཁར་རྫོང་།

དར་མདོའི་མིང་གི་འབྱུང་ཁུངས།
ཐང་སྟོང་རྒྱལ་པོས་བཞེངས་པའི་ལྕགས་ཟམ།

དར་མདོའི་མིང་གི་འབྱུང་ཁུངས།
མི་ཉག་ཡུལ་གྱི་རང་འཐག

དར་མདོའི་མིང་གི་འབྱུང་ཁུངས།
མི་ཉག་སྐོར་བྲོ།

དར་མདོའི་མིང་གི་འབྱུང་ཁུངས།
མི་ཉག་གི་གཉེན་སྟོན།

དར་མདོའི་མིང་གི་འབྱུང་ཁུངས།
མི་ཉག་གི་རྒྱན་གོས།

དར་མདོའི་མིང་གི་འབྱུང་ཁུངས།
མི་ཉག་གི་བུ་མོ། 

དར་མདོ་གྲོང་ཁྱེར་གྱི་ལམ་སྒྲོན་གྱི་ཁྱད་ཆོས།

དར་མདོ་གྲོང་ཁྱེར་གྲོང་ཁུལ་གྱི་ལམ་སྒྲོན་ནི་གྲུ་བཞི་མཆོད་རྟེན་གྱི་དབྱིབས་སུ་གྲུབ་ཅིང་སྒྲོན་དབྱིབས་བོད་ཀྱི་མ་ཎིའི་ལག་འཁོར་གྱི་གཟུགས་ཡིན་ཞིང་ལྕགས་འབྲུག་གི་སྤྲིན་རིས་ཀྱིས་སྦྲེལ་ཡོད་པས་དར་མདོའི་མཛའ་གཞས་རིག་གནས་ཀྱི་ཤན་ཞུགས་ཡོད། དེ་མིན་པད་མའི་གཟུགས་སུ་གྲུབ་པ་ཡང་ཡོད་པས་ཡུལ་སྐོར་རིག་གནས་དང་འབྲེལ་བ་ཡོད་དོ།།

དར་མདོའི་མིང་གི་འབྱུང་ཁུངས།

 

  • ལེ་ཚན་སྔོན་མ།:རྫ་ཆུ་ཁའི་གནས་ཚུལ་མདོར་བསྡུས་དང་ཡུལ་སྲོལ་འགའ།
  • ལེ་ཚན་རྗེས་མ།:རྟའུ་ཡི་མིང་གི་འབྱུང་ཁུངས།
  • དོ་སྣང་ཆེ་བའི་རྩོམ།