བོད་ཀྱི་ལྷ་མོའི་འཁྲབ་སྟངས་དང་སངས་རྒྱས་ཆོས་ལུགས་ཀྱི་འཆམ་རྒྱག་སྟངས་ལ་སོ་སོར་འཁྲབ་སྟོན་གྱི་སྒྱུ་རྩལ་མི་འདྲ་བ་རེ་ཡོད་དེ། སངས་རྒྱས་ཆོས་ལུགས་ཀྱི་འཆམ་ལ་གཡས་རྐྱང་དང་གཡོན་སྐུམ། ས་ག་ཟླུམ་པོ། རྡོ་རྗེ་རྒྱ་གྲམ།  རྡོ་རྗེ་བྱེད་པ། དགའ་བ་འཁྱིལ་བ་སོགས་ཀྱི་རྐང་སྟབས་དང་།  ལག་སྟབས།  ལུས་ཀྱི་ཉམས་འགྱུར།  ངག་གི་གདངས་དབྱངས་སོགས་ཆོས་ལུགས་སོ་སོའི་གཞུང་ལས་བཤད་པའི་ལྷ་སྐུའི་རྣམ་འགྱུར་དང་ཕྱག་སྟབས་སོགས་དང་བསྟུན་ནས་རྒྱག་པའི་དམིགས་བསལ་ཁྱད་ཆོས་ཡོད་པ་དང་།  ལྷ་མོའི་སྟངས་སྟབས་ནི་རྒྱལ་བློན་འབངས་སོགས་དྲང་ཕྱོགས་དང་ལྡོག་ཕྱོགས་མི་སྣ་ཕོ་མོའི་དགོས་དབང་དང་བསྟུན་ནས་འཁྲབ་འཁྱེར་སྣ་ཚོགས་འཁྲབ་ཀྱི་ཡོད་ཅིང་འཆམ་རྒྱག་སྟངས་དང་རྦད་དེ་ལྡོག་ཕྱོགས་ཡིན་ནོ།།