བོད་མིའི་བཏུང་བྱའི་ཇ་ནི་གཙོ་བོ་ཇ་ནག་དང་ཟུང་ཇ་ཡིན་ལ་བཏུང་བྱ་བཟོ་བའི་ཐབས་ཤིན་ཏུ་མང་སྟེ། ཇ་ནག་དང་ཇ་དཀར་ཁུའམ་འོ་ཇ། དཀྲུག་ཇ། མངར་ཇ། ཇ་འདན། ཐབ་ཇ་སོགས་ཡོད་དེ་ཇ་ནག་དཀྲུག་བསྐོལ་ཐབས་ནི་ཇ་ནག་གམ་ཟུང་ཇ་འོས་འཚམ་ཞིག་ཆུ་ནང་བཏབ་སྟེ་ཁོག་ལྟིར་གྱི་ནང་དུ་གདུས་ནས་ཇ་ཁུའི་མདོག་དམར་སྨུག་ཡོད་དུས་བཏུང་ཆོག  ཇ་ནག་གམ་ཇ་དྭངས་འཐུང་ན་ཟས་འཇུ་བ་ཡིན། ཇ་དཀར་ཁུའམ་འོ་ཇ་བསྐོལ་ཐབས་ནི་ཇ་ནག་དཀྲུག་ནང་འོ་མ་བླུགས་ནས་བཏུང་བ་ཞིག་ཡིན་ལ་མངར་ཆེ་ཞིང་ལུས་སྟོབས་གསོ། དཀྲུག་ཇའི་བསྐོལ་ཐབས་ནི་ཁོག་ལྡིར་རམ་མདོང་མོའི་ནང་དུ་ཇ་ཁུ་དང་མར་ཁུ། བཟའ་ཚྭ་གསུམ་བླུགས་ནས་ཡང་ཡང་བསྲུབས་ཏེ་བཏུང་བ་ཞིག་ཡིན། ཇ་པ་ཏི་གདུས་པའི་ནང་དུ་བུར་དམར་དང་འོ་ཕྱེ་འདེབས་པའི་ཇ་མངར་མོ་ཞིག་ཀྱང་ཡོད། ཇ་འདན་བསྐོལ་ཐབས་ནི་སྣོད་ཀྱི་ནང་དུ་མར་བཞུས་པའི་ཁར་རྩམ་ཕྱེ་དང་། ཚྭ་ཅུང་ཙམ་བཏབ་པའི་སྟེང་ཇ་བླུགས་ཏེ་ཡུད་ཙམ་འཁོལ་དུ་བཅུག་པའི་བཏུང་བྱ་ཞིག་ཡིན།  ཕབ་ཇ་ནི་ཆུ་འཁོལ་དཀར་ཡོལ་ནང་དུ་བླུགས་པའི་ཁར་ཇ་ཞིབ་བཏབ་ནས་ཡུད་ཙམ་བཞག་སྟེ་ཇ་ཁུ་བབ་ཚེ་བཏུང་བ་ཞིག་ཡིན། ཆང་ལའང་ནས་ཆང་དང་འབྲས་ཆང་། རྒུན་འབྲུམ་ཆང་། ཆང་སེར། སྨན་ཆང་སོགས་ཡོད།